იხილეთ წყარო გვერდისთვის გრიგორიანული კალენდარი

'''გრიგორიანული კალენდარი''', გრიგოლის კალენდარი — [[კალენდარი|ახალი სტილი]], [[კალენდარი|წელთაღრიცხვის]] სისტემა, რომელიც შემოიღეს [[1582]] წლის 4 ოქტომბერს [[რომის პაპი]]ს [[გრიგოლ XIII|გრიგოლ XIII-ის]] დროს (აქედანაა სახელწოდება).

==გრიგორიანული კალენდრის სტრუქტურა==
გრიგორიანულ კალენდარში წლის ხანგრძლივობა 365,2425 დღეს (365 დღეს, 5 საათს, 49 წუთსა და 12 წამს) შეადგენს. ჩვეულებრივი წელიწადი შედგენა — 365, ნაკიანი კი — 366 დღისგან.

<math>365{,}2425 = 365 + 0{,}25 - 0{,}01 + 0{,}0025 = 365 + \frac{1}{4} - \frac{1}{100} + \frac{1}{400}=365 \frac{97}{400}.</math>

შედარებისათვის, [[იულიუსის კალენდარი|იულიუსის კალენდრის]] წლის ხანგრძლივობა 365,25 დღეა, ხოლო [[ტროპიკული წელიწადი]]ს — 365.24217 დღე.

სხვაობა იულიუსის კალენდარსა და ტროპიკულ კალენდრებს შორის 11 წუთი და 13.9 წამია, ხოლო გრიგორიანულ კალენდარსა და ტროპიკულს შორის — 25,9 წამი.

{| class="wikitable"
|-
!
! '''გრიგორიანული კალენდარი'''
! '''იულიუსის კალენდარი'''
|-
| ხანგრძლივობა
| 365 დღე, 5 საათი, 49 წუთი და 12 წამი (365,2425 დღე)
| 365 დღე, 6 საათი (365,25 წელი)
|-
| ტროპიკული წელი
| 365 დღე, 5 საათი, 48 წუთი და 46,1 წამი (365,24217 დღე)
| 365 დღე, 5 საათი, 48 წუთი და 46,1 წამი (365,24217 დღე)
|-
| სხვაობა
| 25,9 წამი (0.00033 დღე)
| 11 წუთი და 13.9 წამი (0,00783 დღე)
|-
|}

==ისტორია==
1582 წლის 5 ოქტომბერს რომის პაპმა გრიგორის დროს იულიუსის კალენდარს მიამატა 10 დღე და გამოცხადდა 15 ოქტომბრად. თუ XVI საუკუნის გასულს განსხვავება იულიუსისა და გრიგოროლის კალენდრებს შორის იყო 10 დღე, 1900 წლიდან განსხვავება გმოიხატება 13 დღით.
პირველად იგი შემოიღეს [[XVI საუკუნე|XVI საუკუნის]] 80-იან წლებში [[იტალია]]ში, [[ესპანეთი|ესპანეთში]], [[პორტუგალია]]ში. [[პოლონეთი|პოლონეთში]], [[საფრანგეთი|საფრანგეთში]], [[უნგრეთი|უნგრეთსა]] და [[ევროპა|ევროპის]] ზოგიერთ სხვა [[სახელმწიფო]]ში, უფრო გვიან — [[გერმანია]]ში (XVII-XVIII სს.), [[დიდი ბრიტანეთი|ინგლისში]] (XVIII ს.), [[იაპონია]]ში (XIX ს.). 1752 წლის 2 სექტემბერს [[დიდი ბრიტანეთი]] გრიგორიანულ კალენდარზე გადავიდა, თითქმის ორი საუკუნით გვიან ვიდრე [[დასავლეთ ევროპა|დასავლეთ ევროპის]] დიდი ნაწილი.

[[რევოლუცია|რევოლუციის]] წინადროინდელ [[რუსეთი|რუსეთში]] ახალი სტილი არ იყო შემოღებული. იგი შემოიღეს [[ოქტომბრის რევოლუცია|ოქტომბრის რევოლუციის]] შემდეგ [[1918]] წლის [[24 იანვარი|24 იანვრის]] [[დეკრეტი]]თ. ამ დროისთვის [[იულიუსის კალენდარი]] 13 [[დღე-ღამე]] „ჩამორჩებოდა“, ამიტომ [[1 თებერვალი]] [[14 თებერვალი|14 თებერვლად]] გამოცხადდა. [[კვირა|კვირის]] დღეები ორივე კალენდარში ერთი-მეორეს ემთხვევა. ამჟამად მსოფლიოს ყველა განვითარებულ სახელმწიფოში გრიგორიანულ კალენდარს იყენებენ.

==ახალი სტილის საკითხი ქართულ მართლამადიდებლურ ეკლესიაში==
1917 წელს მოხდა რევოლუცია. საკანონმდებლო ორგანოებში დაისვა კალენდრის საკითხიც. 1918 წლის 14 აპრილს საქართველოს კათოლიკოს პატრიარქს კირიონს მოუვიდა ტელეფონოგრამა: „აპრილის 13 მიღებულ იქმნა კანონი ამიერკავკასიის რესპუბლიკებში ახალი დროთა აღრიცხვის შესახებ; აპრილის 18 უნდა ცნობილ იქმნას მაისის პირველად. აღდგომა იდღესასწაულება მაისის 5 (ძვ. სტ. 22 აპრილს). ამის მიხედვით მოძრავი დღესასწაულები წაიწევიან წინ 13 დღით. ინებეთ სათანადო განკარგულება“. ტელეფონოგრამა მოსმენილ იქმნა საკათალიკოზო საბჭოში.

== იხილეთ აგრეთვე ==
* [[იულიუსის კალენდარი]]
* [[შესწორებული იულიუსის კალენდარი]]

== ლიტერატურა ==
* {{ქსე|3| 270}}
* „საქართველოს საეკლესიო კალენდარი 1976 წლის“, გვ. 139-140

==სქოლიო==
{{სქოლიო}}

[[კატეგორია:კალენდარი]]